left right left : revolution is really home made

ഈ അടുത്ത കാലത്ത് എന്ന ട്രെന്‍ഡ് സെറ്റര്‍ സിനിമക്ക് ശേഷം മുരളി ഗോപിയും അരുണ്‍ കുമാര്‍ അരവിന്ദും ഒന്നിക്കുന്നു എന്നത് കൊണ്ട് പ്രേക്ഷകര്‍ക്ക് ഉള്ള പ്രതീക്ഷ ഒട്ടും ആസ്ഥാനത്ത് ആക്കുന്നില്ല “ലെഫ്റ്റ് റൈറ്റ് ലെഫ്റ്റ്” എന്ന ചിത്രം എന്ന് മാത്രമല്ല ആ പ്രതീക്ഷകള്‍ക്ക് ഒരു പടി മുകളില്‍ നില്‍ക്കുന്നു ഈ ചിത്രം എന്ന് വേണമെന്നാണ് പറയേണ്ടത്.ഫെയ്സ് ബുക്കില്‍ ഒരു സുഹൃത്ത് ഷെയര്‍ ചെയ്ത “നട്ടെല്ല് ഉള്ളവന്‍ എടുത്ത സിനിമ” എന്ന അപ്ഡേയ്റ്റ്‌ വളരെ ശരിയാണെന്ന് സിനിമ കണ്ടിറങ്ങുമ്പോള്‍ ബോദ്ധ്യപെടുന്നു.ചിത്രം ശക്തമായൊരു political film എന്ന രീതിയില്‍ ആണ് പൊതുവേ ചര്‍ച്ച ചെയ്യപ്പെടുന്നത്ത് എങ്കിലും ഈ സിനിമ അവക്കെല്ലാം ഉപരി ചില രാഷ്ടീയ ചുറ്റുപാടുകളില്‍ സൃഷ്ടിക്കപെടുന്ന മാനസിക അവസ്ഥകളെ ആണ് പ്രതി പാതിക്കുന്നത് എന്ന് വേണം കരുതാന്‍. കമ്യൂണിസം എന്ന ചിന്താ ഗതിക്ക് ചുറ്റും ജീവിക്കുന്ന ഒരു പറ്റം മനുഷ്യരുടെ പോരാട്ടങ്ങളും ജീവിത വ്യഥകളും ആണ് സിനിമ ചര്‍ച്ച ചെയ്യുന്നത്. അത് കൊണ്ട് തന്നെയാവും“..സമാധാനപ്രിയരുടെ ഒരു വിപ്ലവം ഉണ്ടാവും..അതാവും യഥാര്‍ത്ഥ വിപ്ലവം..” എന്ന് സിനിമയിലെ റോയ് ജോസഫ്(മുരളി ഗോപി) പറയുന്നത്.

ജീവിതത്തോട് നിരന്തരം സമരം ചെയ്ത് മുന്നോട്ടു വരുന്ന മൂന്ന്‍ നായകരിലൂടെയാണ് കഥ മുന്നോട്ട് പോകുന്നത്.1969 ലെ കൈതേരി സഹദേവനും(ഹരീഷ് പേരടി),76 ലെ റോയ് ജോസെഫും(മുരളി ഗോപി),86 ലെ വട്ട് ജയനും(ഇന്ദ്രജിത്ത്).മൂന്ന്‍ വിപ്ലവകാരികകള്‍...ആ മൂന്നു പേരെ 2013ലെ മലയാള രാഷ്ടീയ അവസ്ഥയിലേക്ക് കൊണ്ട് വരികയാണ്‌ കഥാകാരന്‍ ചെയ്തിട്ടുള്ളത്.

അതുകൊണ്ട് തന്നെ അവിടെ ഈ കഥാപാത്രങ്ങള്‍ക്ക്ക്കും കഥാന്തരീക്ഷങ്ങള്‍ക്കും നമ്മുടെ സമൂഹത്തില്‍ ചില സാമ്യതകള്‍(ഇല്ലെന്നു ആദ്യം എഴുതി കാണിക്കുന്നുണ്ടെങ്കിലും) കാണാവുന്നതാണ്‌.എന്നാല്‍ അത് സാധാരണ മലയാള സിനിമകളില്‍ കാണുന്ന പ്രഹസന മിമിക്രി ഡ്യൂപ്പ് ആവിഷ്കാരങ്ങള്‍ അല്ല മറിച്ച് ശക്തമായ നിലപാടുകളും വ്യക്തമായ രാഷ്ടീയവും  identityയും ഉള്ള കഥാപാത്രങ്ങള്‍ ആണ്. “ആരാണ് യഥാര്‍ത്ഥ കമ്മ്യൂണിസ്റ്റ്” എന്ന കഥാകാരന്‍റെ ഇടക്കിടക്കുള്ള ചോദ്യങ്ങളില്‍ ചിലപ്പോള്‍ പ്രേക്ഷകര്‍ ഈ മൂവരെയും കാണുന്നു..മറ്റൊരു നിമിഷത്തില്‍ അതും ചോദ്യം ചെയ്യപെടുന്നു...

harish peradi

ഇവര്‍ക്കിടയില്‍ കടന്നു വരുന്ന രമ്യ നമ്പീശന്‍റെ ജെന്നിഫര്‍ എന്ന കഥാപാത്രത്തിലും ലെനയുടെ അനിത(Aleida March Hilda Gadea അനിത വിശേഷിപ്പിച്ച് ചെഗുവേര റോയ് എന്ന തന്‍റെ ഭര്‍ത്താവിനോട് ഈ കഥാപാത്രം എത്ര ഇഴുകി ചേര്‍ന്നിരിക്കുന്നു എന്ന് കഥാകാരന്‍ നമുക്ക് മനസിലാക്കി തരുന്നു)യും അനുശ്രീ അവതരിപ്പിക്കുന്ന കഥാപാത്രത്തിലും നാം വിപ്ലവകാരികളെ കാണുന്നു. ഇവിടെ ജെന്നിഫര്‍ തന്‍റെ സാഡിസ്റ്റ്‌ ആയ ഭര്‍ത്താവിനെതിരെയും(സൈജു കുറുപ്പ്) അനുശ്രീ ചെയ്ത കഥാപാത്രം തന്‍റെ കുടുംബത്തിന്‍റെ നിലനില്‍പ്പിനു വേണ്ടിയ ജീവിതത്തോടും സമരം ചെയ്യുന്നവര്‍ ആണ്.കഥ ഈ ഭാഗങ്ങളില്‍ എത്തുമ്പോള്‍ മറ്റു ചില മാനങ്ങള്‍ കൈ വരുന്നു.പൂര്‍ണ്ണമായും ഒരു political ഡ്രാമ എന്ന് പറഞ്ഞു ഈ സിനിമയെ catagorise ചെയ്തവര്‍ ഈ ഭാഗങ്ങള്‍ ശ്രദ്ധിച്ചിട്ടിലെന്നു വേണം കരുതാന്‍.കേരളത്തിലെ കമ്യൂണിസത്തിനു അതിന്‍റെ ഉല്‍പത്തികാലം മുതല്‍ ഇന്ന് വരെ ഉള്ള മാറ്റങ്ങളിലേക്ക് വ്യക്തമായൊരു ചിത്രവും ഈ കൂട്ടത്തില്‍ കൂട്ടി ചേര്‍ക്കപെടുന്നു.ഒടുവില്‍ യഥാര്‍ത്ഥ കമ്മ്യുണിസ്റ്റ് ആരാണെന്ന ഉത്തരം നല്‍കിയാണ്‌ സിനിമ അവസാനിക്കുന്നത്(അത് തീയറ്ററില്‍ തന്നെ പോയി കാണുക).

sethulakshmi

ചിത്രത്തിന്‍റെ താര നിര ഒന്നിനൊന്നു പ്രശംസ അര്‍ഹിക്കുന്നു.മുരളി ഗോപിയും ഇന്ദ്രജിത്തും ലെനയും രമ്യ നമ്പീശന്‍റെയും ഇത് വരെ ഉള്ളതില്‍ ഏറ്റവും മികച്ച കഥാപാത്രങ്ങള്‍ തന്നെയാണ് ഈ ചിത്രത്തില്‍ ഉള്ളത് എങ്കിലും  ചില നിമിഷങ്ങളില്‍ ഈ കഥാപത്രങ്ങളുടെ ഒരു പടി മുകളില്‍ നില്‍ക്കുന്നതാണ് നില്‍ക്കുന്നതാണ് ഹരിഷ് പേരടി ചെയ്ത കൈതേരി സഹ ദേവനും ഇന്ദ്രജിത്ത്ന്‍റെ അമ്മ വേഷം ചെയ്ത പ്രശസ്ത നാടക നടി സേതുലക്ഷ്മിയും.ചെറിയ റോളുകള്‍ ചെയ്ത സുധീഷ്‌ കരമനയും ശ്രീജിത്ത്‌ രവിയും അഹമ്മദ് സിദിക്കും സൈജു കുറുപ്പും വരെ പ്രശംസ അര്‍ഹിക്കുന്നു

ഈ സിനിമയെ കുറിച്ച് ചര്‍ച്ച ചെയ്യപെടുമ്പോള്‍ എടുത്ത് പറയേണ്ടത് സംവിധാനവും തിരക്കഥയും തന്നെ ആണ്.എഡിറ്റര്‍ കൂടി ആയ സംവിധായകന്‍ അരുണ്‍ കുമാര്‍ അരവിന്ദ് സിനിമയുടെ ക്ലൈമാക്സില്‍ വളരെ crucial ഒരു നിമഷത്തില്‍ പ്രേഷകരെ പൂര്‍ണ്ണമായ അന്ധകാരത്തിലെക്ക് തള്ളിയിടുന്നുണ്ട്.ഈ ഒരു നിമിഷം പ്രേക്ഷകരുടെ മനസില്‍ സൃഷ്ടിക്കപ്പെടുന്ന വികാരങ്ങളുടെ ഒരു കടല്‍ മാത്രം മതി അരുണ്‍ കുമാര്‍ അരവിന്ദ് എന്ന സംവിധായകന് അതിനുപരി ചിത്രസംയോജകനു അഭിമാനിക്കാന്‍(അതും തീയറ്ററില്‍ തന്നെ പോയി അനുഭവിച്ച് അറിയുക).മുരളി ഗോപി എന്ന എഴുത്ത്കാരന്‍റെ ശക്തമായ കഥയും സംഭാഷണ ശകലങ്ങളും തന്നെയാണ് ചിത്രത്തിന്‍റെ ശക്തി.” life is like a walk, we can’t walk left left or right right, only left rigtht left right” “Life is a mariage of lmts and death is the cntnuatn of the same.”, “സമാധാനപ്രിയരുടെ ഒരു വിപ്ലവം ഉണ്ടാവും..അതാവും യഥാര്‍ത്ഥ വിപ്ലവം....സമാധാനമായി വിപ്ലവം നയിക്കുന്നവര്‍ക്ക് ചെവി കൊടുക്കാതിരുന്നാല്‍ പിന്നീട് വരുന്നത് ഭ്രാന്തന്മാര്‍ നയിക്കുന്ന ഒരു വിപ്ലവം ആയിരിക്കും...” “ഉറുമ്പ് ചത്താൽ വാർത്ത തവള ചാവും വരെ,തവള ചത്താൽ വാർത്ത പാമ്പ് ചാവും വരെ,പാമ്പ് ചത്താൽ വാർത്ത പരുന്തു ചാവും വരെ” എന്ന് തുടങ്ങി ചിത്രത്തിലെ അവസാന dialog അയ ““We are the real communists.We are brave, we r alone” വരെ എടുത്ത് നോക്കിയാല്‍ ഇത് വ്യക്തമാവും. Shehnad Jalaalന്‍റെ ചിത്രീകരണവും ഗോപി സുന്ദര്‍ന്‍റെ പശ്ചാത്തല സംഗീതവും പ്രശംസ അര്‍ഹിക്കുന്നു....ഒറ്റ വക്കില്‍ പറഞ്ഞാല്‍ left right left,revolution is really home made.....
A man is part
DNA, part unknown and part
what he sees and goes through
as a child...

Left Right Left

വാല്‍ക്കഷ്ണം : “കുറെ കഞ്ചാവും പുകയും അല്ല” നട്ടെലുള്ള ഒരു പറ്റം മനുഷ്യര്‍ എടുത്ത ഇതാണ് യഥാര്‍ത്ഥ ന്യു ജെനറെഷന്‍ സിനിമ എന്ന് മാത്രമാണ് അജ്ഞാതന് പറയാനുള്ളത്.
My rating : 4/5

ഉസ്താദ് ഹോട്ടല്‍

ജീവിതത്തിന്‍റെ രുചികൂട്ടുകളുമായി “ഉസ്താദ് ഹോട്ടല്‍” 

3 വര്‍ഷത്തെ ഇടവേളക്ക് ശേഷം അന്‍വര്‍ റഷീദ്‌ എന്ന സംവിധായകന്‍ മടങ്ങിയെത്തിയിരിക്കുന്നു,ഉസ്താദ് ഹോട്ടല്‍ എന്ന സിനിമയുമായി.

അന്‍വര്‍ റഷീദ്‌

 “ന്യൂ ജെനറേഷന്‍ സിനിമ(???)” എന്ന് നാം ഓമന പേരിട്ടു വിളിക്കുന്ന മലയാളത്തിലെ മാറ്റത്തിന്‍റെ വഴിക്ക് തന്നെയാണ് താനും എന്ന് പറഞ്ഞ കൊണ്ട്.രാജമാണിക്യം,ഛോട്ടാ മുംബൈ,അണ്ണന്‍ തമ്പി എന്നീ ചിത്രങ്ങളിലൂടെ ഹിറ്റ്‌ മേയ്കര്‍ അയ അന്‍വര്‍ റഷീദ്‌ന്‍റെ മറ്റൊരു മുഖമായിരുന്നു “കേരള കഫെ” എന്ന സിനിമാ സംഗമത്തിലെ “ബ്രിഡ്ജ്” എന്ന ചിത്രം കാണിച്ചു തന്നത്.അദേഹം അഞ്ജലി മേനോന്‍(മഞ്ചാടിക്കുരു) എന്ന എഴുത്തുകാരിയുടെ തിരക്കഥയുമായി എത്തുമ്പോള്‍,അതും “സെക്കന്റ്‌ ഷോ”വിലൂടെ എത്തിയ താര പുത്രന്‍ ദുല്ഖര്‍ സല്‍മാന്‍ന്‍റെ ഒപ്പം അത്ഭുതങ്ങള്‍ പ്രതീക്ഷിതമാണ്. ആ പ്രതീക്ഷകള്‍ ഒട്ടും തെറ്റി പോകുന്നില്ലെന്നതാണ് സത്യം.ലിസ്റ്റിന്‍ സ്റീഫന്‍(ട്രാഫിക്‌,ചാപ്പ കുരിശ്)എന്ന യുവ നിര്‍മാതാവ് വീണ്ടും മറ്റൊരു ട്രെന്‍ഡ് സെറ്റെര്‍ സൃഷ്ടിക്കുകയാണ്.

ലിസ്റ്റിന്‍ സ്റ്റീഫന്‍

അഞ്ജലി മേനോന്‍

   ഫൈസി(ദുല്ഖര്‍) എന്ന കേന്ദ്ര കഥാപാത്രത്തിന്‍റെ ജീവിതമാണ് കരീമ്ക്കെടെ(തിലകന്‍റെ) ഉസ്താദ് ഹോട്ടലിലൂടെ അഞ്ജലി മേനോന്‍ എന്ന എഴുത്തുകാരി പറയുന്നത്.കോഴിക്കോടന്‍ ഭാഷയെ വളരെ കൈയടക്കത്തോടെ ഉപയോഗിച്ചിരിക്കുന്നു എന്നത് എടുത്ത് പറയേണ്ട കാര്യമാണ്.ഫൈസി എന്ന നമ്മുടെ കേന്ദ്ര കഥാപാത്രം കരീമ്ക്കെടെ കൊച്ചു മകനാണ്,റസാക്ക്‌(സിദ്ദിക്ക്) എന്ന ബിസ്നസ്കാരന്‍റെ മകന്‍,4 പെങ്ങമാരുടെ ഒരേ ഒരു ആങ്ങള.ബാപ്പയെ പറ്റിച്ച് M.B.Aക്ക് പകരം ഷെഫ്‌ പഠനത്തിനു പൊയ് നാട്ടിലെത്തുന്ന ഫൈസി ചില കാരണങ്ങളാല്‍ അവന്‍റെ ബാപ്പയോട് പിണങ്ങി തന്‍റെ ഉപ്പുപ്പയുടെ ഉസ്താദ്‌ ഹോട്ടലില്‍ എത്തുന്നു.തുടര്‍ന്നുണ്ടാവുന്ന ജീവിതത്തിന്‍റെ രുചികൂട്ടുകളാണ് കഥാസാരം.

ദുല്ഖര്‍ സല്‍മാന്‍

 ചിത്രത്തിലെ star cast എടുത്ത്‌ പറയേണ്ടതാണ്‌,കൂട്ടത്തില്‍ ദുല്ഖറിന്‍റെയും തിലകന്‍റെയും അഭിനയവും.ഓര്‍ത്തഡോക്സ് ചുറ്റുപാടുകളില്‍ നിന്ന് പുറത്ത്‌ ചാടാന്‍ ശ്രമിക്കുന്ന നായിക കഥാപാത്രത്തിലൂടെ നിത്യാ മേനോന്‍ ഒരിക്കല്‍ കൂടി തന്‍റെ കഴിവ്‌ തെളിയിക്കുന്നു.കോഴിക്കോടന്‍ സ്പെഷ്യല്‍ ബിരിയാണിയും,പ്രണയത്തിന്‍റെ “വാതിലില്‍ ആ വാതിലില്‍” നിറയുന്ന സുലൈമാനിയും വെറും രുചിക്കൂട്ടുകള്‍ മാത്രമല്ല ജീവിതത്തിന്‍റെ രസക്കൂട്ടുകള്‍ കൂടിയാണെന്ന് ചിത്രം പറയുന്നു.ആകാശങ്ങള്‍ മാത്രം സ്വപ്നം കാണാന്‍ കൊതിക്കുന്ന യുവത്വത്തിനു നേരെ ജീവിതത്തിന്‍റെ മറ്റൊരു മുഖം ഉണ്ടെന്നു മനസിലാക്കി കൊടുത്ത്‌ കൊണ്ടാണ് സിനിമ അവസാനിക്കുന്നത്.

കണ്ടു മടുത്ത ഫാമിലി മൂവികളില്‍ നിന്നും വ്യത്യസ്തമായ ഫ്രെഷ്നെസ്സ് തുളുമ്പുന്ന വിഷ്വല്‍സ് ആണ് ചിത്രം മുഴുവനും.കോഴിക്കോടിനെ അതിന്‍റെ എല്ലാ നിറങ്ങളോടും ലോകനാഥന്‍ എന്ന ക്യാമറമാന്‍ ചിത്രത്തില്‍ പകര്‍ത്തിയിരിക്കുന്നു. സാഹോദര്യത്തിന്റെ സൂഫി വക്താക്കലായ ഖവാലികളുടെ ദൃശ്യങ്ങളും ചിത്രത്തെ കൂടുതല്‍ മനോഹരമാക്കുന്നു. ആനന്ദന്‍ന്‍റെ ആര്‍ട്ട്‌ ഡയറക്ഷനും എടുത്ത് പറയേണ്ടതാണ്‌,കാരണം അത്രയും മനോഹരമായാണ് ഉസ്താദ് ഹോട്ടലിന്‍റെ സെറ്റ് ചിത്രത്തില്‍ വരുന്നത്. “അപ്പങ്ങള്‍ എമ്പാടും” എന്നാ ഫോല്ക് ഫ്യൂഷനും ആയി എത്തുന്ന “കല്ലുമ്മക്കായ” എന്ന ബാന്‍ഡും സിനിമയില്‍ യൂത്നെസ്സ് നിറക്കുന്നു.കണ്ട് മടുത്ത “ഹാര്‍ട്ട്‌ അറ്റാക്ക്‌” സീനുകളില്‍ പോലും നര്‍മ്മം കണ്ടെത്താന്‍ എഴുത്തുകാരി ശ്രമിച്ചിട്ടുണ്ട്.

In Location

കഥാന്ത്യത്തോടടുക്കുമ്പോ പക്ഷെ ശക്തമായൊരു വിഷയം പറയുകയാണെങ്കില്‍ പോലും അവിടങ്ങളില്‍ ഒരല്പം ഇഴച്ചില്‍ അനുഭവപ്പെടുന്നതായി തോന്നും.അവസാന നിമിഷം സിദ്ദിക്ക് അവതരിപ്പിക്കുന്ന കഥാപാത്രത്തിന്‍റെ സ്വഭാവത്തിലുള്ള  നിമിഷ നേരം കൊണ്ടുള്ള മാറ്റവും വിശ്വാസ യോഗ്യമല്ലെന്ന് പറയേണ്ടി വരും.എങ്കിലും നമ്മളില്‍ നിന്ന് നഷ്ടപ്പെട്ടു കൊണ്ടിരിക്കുന്ന നന്മയുടെ രുചിക്കൂട്ടുകളെ ഉസ്താദ്‌ ഹോട്ടല്‍ ഓര്‍മ്മിപ്പിക്കുക തന്നെ ചെയ്യും.അജ്മീര്‍ മരുഭൂമിയിലെ മഴപോലെ നന്മയുടെ കണങ്ങള്‍ ഭൂമിയില്‍ ഇപ്പോഴും അവശേഷിക്കുന്നു എന്ന ഓര്‍മ്മ പെടുത്തലിലാണ് സിനിമ അവസാനിക്കുന്നത്.

Chithrakkutt suggests : MUST WATCH.

cast and crew

Starring   : Dulquer Salmaan, Nithya Menon 

Director  : Anwar Rasheed

Genre(s) : Comedy,Drama,Romance,Sport 

Banner : Magic Frames

Producer : Listin Stephen

Story,Script,Screenplay : Anjali Menon

Cinematography : Lokanathan

Editor : Mahesh Narayanan

Art Director - Anandan , Makeup - Jayesh Piravam , , Costume Designer - Sameera Sanish , Production Control - Sanju Vaikom , Associate Director - Marthandan , Lyrics - Rafeeq Ahmed , Music Director - Gopi Sundar , Stills - Martin Prakkat , Designs - Old Monks , Assistant Director - Salaam Bukhari , Vinod. A.G ,

മലയാള സിനിമ 2011