@കണാദന്,
കണാദാ നിങ്ങള്ക്ക് തെറ്റ്
പറ്റിയിരിക്കുന്നു,അല്ലെങ്കില്
ഭൂഗര്ഭപാത്രമാം മലകള്
തുരന്നവര് ജീവകണം തേടില്ലയിരുന്നല്ലോ.
@റൂഥര്ഫോര്ഡ്
റൂഥര്ഫോര്ഡ് നിങ്ങള്ക്ക്
തെറ്റ് പറ്റിയിരിക്കുന്നു,അല്ലെങ്കില് മണ്ണിനെയും കൂടപ്പിറപ്പുകളെയും മറന്നവര്
കടല് കരയിലെ “ഭാവി ഊര്ജകുംഭങ്ങളിലേക്ക്” ദ്രവം നിറക്കില്ലായിരുന്നല്ലോ.
@അംബേദ്കര്
അംബേദ്കര് നിങ്ങള്ക്ക്
തെറ്റ് പറ്റിയിരിക്കുന്നു,അല്ലെങ്കില്
കാണാരെട്ടന്റെ പച്ചക്കറി പീടികയുടെ നെടുംതൂണ് പിഴുത്തവര് “ചുമര്ചന്ത”കള്ക്ക്
കളമൊരുക്കില്ലായിരുന്നല്ലോ.
@സ്വദേശാഭിമാനി രാമകൃഷ്ണ പിള്ള
നിങ്ങള്ക്ക് തെറ്റ്
പറ്റിയിരിക്കുന്നു,ഇല്ലെങ്കില് ഒരു ദിവസം കൊണ്ട് “കാല്പന്ത് ദൈവ”ത്തിന്റെ
കയ്യ്ക്കും “മിസ്സ് കേരള”യുടെ മുടിക്കും അടിയിലെ “സ്ക്രോള് ന്യൂസ്സാ”യി
ഇവയൊന്നും മാറില്ലായിരുന്നല്ലോ
@ഭഗത് സിംഗ്
ഭഗത് സിംഗ് നിങ്ങള്ക്ക്
തെറ്റ് പറ്റിയിരിക്കുന്നു,അല്ലെങ്കില് മാര്ച്ച് 23ലെ ഒരു സ്റ്റാറ്റസ്
അപ്ഡേറ്റിനു ലഭിക്കുന്ന ലൈക്കുകളിലേക്ക് നിങ്ങളുടെ രക്തസാക്ഷിത്വം ചുരുങ്ങി
പോകില്ലായിരുന്നല്ലോ.
@കടലിനപ്പുറം സ്വര്ണം തേടി
പോയ മുക്കുവന്
മുക്കുവാ,നിങ്ങള്
പറഞ്ഞതാണ് ശരി.ഈ വലകൂട്ടങ്ങളില് ചെറിയ മീനുകള് മാത്രമേ പെടു,വലിയവ എന്നും
വലക്കണ്ണി പൊട്ടിച്ച് പുറത്ത് ചാടും, അതുകൊണ്ട് നമുക്ക് കടല് കടന്ന് സ്വര്ണ
മരീചികകള് തേടി പോകാം.